[ Metro e電園 ] 360°全接觸 PS Vita

 

 

今年「Game界」重點,應該是PS Vita。這部講足半年的次世代遊戲機,是SONY的壓軸作,無論在主機的外形設計,以及內在功能,都帶給玩家耳目一新的感覺。而且廠方將以12月23日舉行的亞洲遊戲 展作為首日發售場地,錯過預訂日的機迷,記住Mark低呢個重要日子啦。


前置鏡頭設於動作按鍵上方,非常隱蔽。

說到PS Vita,相信大家不感陌生,皆因SONY香港時不時都會更新它的最新情報,令大家對這部仍未公開發售的新機早已耳熟能詳。

這次在海港城的試玩活動中,有不少成為Vita的facebook粉絲排隊,等着試玩這部Vita。Elva試玩後,有以下感覺:「它有5吋螢幕,比PSP更大,最有驚喜的是Touch Screen及機背的Touch Pad,令打機唔係只有機面的四粒按鈕咁悶。」雖然暫時只有少數遊戲支援掃背操控,但這個掃背式操控已考起不少玩家,更不時見到手忙腳亂的情況。


PS Vita分Wi-Fi版及3G版兩種,除了相差五百元外,3G版比Wi-Fi版多了Sim卡插槽,其餘均大同小異。

Elva同時表示:「新機設有前後鏡頭,亦是我喜歡它的原因,可以隨時影相,甚至自拍都無難度。而且在開機後,用手指由右上角一拉,即可見到不同程式,聽歌、睇相相當順暢,更有『 Welcome Park』,自拍之餘,仲可以將張相變成砌圖,超得意!」作為新世代遊戲機,此機除主打遊戲外,更加入twitter及facebook應用,加強人與人之間的通訊和聯繫。

14款大作同步推出

廠方同時公布了14款同步推出的遊戲,包括:BLAZBLUE、KATAMARI DAMACY NO VITA、LORD of APOCALYPSE等大作,稍後時間亦有ModNation Racers、Reality Fighters等,作為聖誕禮物去送畀人或獎勵自己,應該係時候。

倪晨曦請大家讓吓我!

倪晨曦 Elva Ni 

Elva是05年多倫多華裔小姐冠軍,有着清純的樣子以及甜美的笑容。雖然她在加拿大接受教育,但廣東話依然流利,而且沒有崇洋心態,要拍拖唔一定喺外國人,只要識得孝順父母就得。

Q&A

Q. 鍾唔鍾意打機?如果你啲朋友成日打機你會點?

A. 其實自己好鍾意玩遊戲機,所以他們打機並不會影響到我,不過當我行街Shopping時,啲男仔就唔好跟住嚟,打住機等我仲好。

Q. 你會唔會送遊戲機或games畀男仔做禮物?如果是games又是甚麼類型?

A. 如果男仔鍾意打機,買games畀佢就最好不過,須知道,為朋友選購一份合心意的禮物是相當頭痛的事。

Q. 平時有沒有同男仔一齊煲機?

A. 鍾意打機並不一定打得好,好在啲男仔會讓我,所以同男仔打機特別開心。

Elva期待的遊戲

廠方除了宣布於12月23日發售次世代手提遊戲機外,同步還有5款限量版同梱裝,及合共14款熱門遊戲推出。Elva初步試玩Uncharted,即時全情投入:「PS版的Uncharted非常刺激,可惜過到第二關後就變得好難玩,令人洩氣,不過PS Vita唔難玩,仲可以篤住個『芒』來攀爬,唔係齋按4粒掣咁悶。」雖然今次試玩會不是每一隻Game都有得試玩,但她仍對新遊戲相當期待。